ܔْށMiss Butterflyܔْށ

لم تعد فراشتي تملك الحرف لتحلق مرة آخرى

أعذورني

في أمان الله

 

لأني احتاج للتجديد

ولأني الى الآن مو حاسة أنه هذه مدونتي وأغير في شكلها كل شوية وما استقريت

ولأني مو قادرة احط حرفين على بعض عشان في النهاية يطلع شئ مفيد ويرضيني

حأترك المدونة لفترة .. غير محددة

ولي عودة إن شاء الله

كونوا بخير 

كتبت ومسحت وكتبت ومسحت كثيييييييير …نفسي اكتب شئ في نفسي بس مو قادرة ليييييييييييييييييييييييييييش

قهر

 :( 

بس جد أحس إني مفتقدة روح المدونة .. كثير كانوا يعلقون والآن ما ألقى لهم تعليق صار في خمول مو طبيعي …صايرة المدونة مرة مملة .. عارفة بتقولون مو مقياس انه يعلقون او لا.. لكن هذا إحساسي بس .. مدري كثير فكرت قلت يمكن في أشخاص غلطت عليهم ؟؟ أو ….مدري والله ….فوق الملل اللي في البيت صار حتى في المدونة ادري اني فاضية وبس بهرج معليش شكاوي بنت زهقانة من كل شئ 

ابغى اتكلم لكن مااقدر مدري ليش احس الكلام مو طالع معايا

يلا بنتكلم عشان نفضفض ونفضفض عشان نعيش ونعيش عشان نعمل ونعمل عشان الآخرة <<< حكمة اوه الطفش له فايدة  

 

   أرسلت لي صديقتي توتا ايميل تطلب مني أساعدها بأفكار عشان عندهم في الكلية شئ اسمه

community service

ولازم على وقت التخرج تكون مقضية 100 ساعة في خدمة المجتمع يعني ممكن تكون توعية للجاليات أو برامج عباللطيف جميل لخدمة المجتمع … ايش اقتراحات ثانية ممكن تساعدونها فيها

 

أتمنى أنكم تفيدونها .. شكرا لكم

 

إهداء للجميع

دمتم بخير

كل عام وأنتم بخير

وتقبل الله منا ومنكم صالح الأعمال يارب

الله يرحم من لم يدرك العيد ويشفي لي أمي يارب

كيفك يا يسرا وحشتيني

 

 

كل عام وأنتِ بخير إن شاء الله

 

حبيت أقلك أنه

 

أنا

 

مو مدمنة شات صوتي ولا جربتو

 

ولا ارسلت صوري لأحد

 

ولا اعرف مسيحين

 

ولا أفكر أصير مسيحية

 

ولا انا وجولي متزاعلين

 

ولا أحدحيمنع عني النت

 

والصورة اللي شفتيها في المسن كانت صورة خاصة بمجلة وسن الأنامل

 

كان الموضوع كلو عيدية مني أنا وجولي لك لانه بجد أحترنا ايش نعطيكي ومنها نرجع المقلب اللي عملتيه في تورتة وهموسة

لو فكرنا في المقلب من نواحي إيجابيه امممم قدرتي تمارسي مع الموضوع تخصصك في علم النفس وقرأت كثير لدكتور ميسرة وقرأتي قصص وعضية وشغلتي مخك يعني تدريب قبل بداية الجامعة كل عام وأنتي بخير يا عسولة وان شاء الله تكون عيدية مميزة